М.Х. Дулати атындағы Тараз университетінде Тамақ өндірісі бойынша ғылыми-зерттеу зертханасының салтанатты ашылу рәсімі өтті. Жаңа зертхана тағам өнімдерін өндіру технологияларын жетілдіруге, олардың сапасын, қауіпсіздігін және тағамдық құндылығын арттыруға бағытталған ғылыми зерттеулер мен тәжірибелік әзірлемелер жүргізуге арналған.

Тараз қаласында «Тараз – қолөнершілер қаласы» атты халықаралық қолөнершілер фестивалі өтті. Ауқымды мәдени шараға облыс әкімі Ербол Қарашөкеев, ҚР Президентінің кеңесшісі Мәлік Отарбаев, қала әкімі Бақытжан Орынбеков, ҚР Парламенті Мәжілісінің депутаттары, Басқарма Төрағасы – Ректор Ләззат Еркінбаева, халықаралық ұйым өкілдері және шетелдік қолөнер шеберлері қатысты.

М.Х.Дулати атындағы Тараз университетінде «Академиялық кітапханалардың дамуындағы заманауи үрдістер» атты XIII Халықаралық ғылыми-тәжірибелік конференция өтті. Биылғы басқосу «Жасанды интеллект дәуіріндегі кітапхана: халықаралық тәжірибе және ұлттық AI-SANA бағдарламасы» тақырыбына арналып, цифрландыру мен жасанды интеллекттің кітапхана ісін дамытудағы рөліне ерекше назар аударылды.

Университет қабырғасында онлайн және офлайн форматта мазмұнды әрі өзекті рухани-әдеби жиын ұйымдастырылып, онда қазіргі қазақ прозасындағы маңызды туындылардың бірі — «Бүкір» романы кеңінен талқыланды. TED-стиліндегі әдеби кездесу «Есболат Айдабосынның “Бүкір” романы: рухани деформация және әлеуметтік шындық» тақырыбында өтті. Ұйымдастыру комитеті: «Журналистика және филология» кафедрасы мен «Дулатитану және өңір тарихы» ғылыми-зерттеу орталығы.

Университет қабырғасында Басқарма Төрағасы – Ректор Ләззат Еркінбаева 
шетелдік мамандармен ресми кездесу өткізді. Кездесуге Польшадан келген ғалым, профессор Магдалена Мария Матусяк-Франчак және халықаралық Senior Expert Service (SES) бағдарламасының сарапшысы Урсула Георги қатысты.

Университет қабырғасында «Академиялық кітапханаларды дамытудағы заманауи трендтер» атты XIII Халықаралық конференцияда «IRBIS» мектебінің ашылуы өтті.

Түркістан қаласында футзалдан Қазақстан Республикасының жоғары оқу орындары арасындағы студенттік спорт лигасының «Оңтүстік аймақтық» кезеңі өз мәресіне жетті. Аталған жарысқа өңірдің бірқатар жоғары оқу орындарының командалары қатысып, өзара мықтыны анықтады.

Германияның Senior Expert Service (SES) халықаралық бағдарламасы шеңберінде Дулати университетіне сарапшы Урсула Георги келді. Ses сарапшысының Германия университеттерінде және шетелдерде, соның ішінде Австрия, Малайзия, Италия, Швейцария, Бразилия, Чили, Индонезия, Португалия, Сирия, Тәжікстан және Өзбекстан сияқты көптеген мемлекеттерде  көп жылдық оқыту тәжірибесі бар. Оның жоғары оқу орындарының ақпараты мен сапасын басқару, ақпараттық ұсыныстарды бағалау және әзірлеу, оқытудың белсенді практикалық әдістері мен заманауи технологияларын, соның ішінде жасанды интеллектті қолдана отырып, білім беруді басқарудағы практикалық тәжірибесі мол.